ஷங்கரின் ‘2.0' படத்திற்கு பிறகு ‘சூப்பர் ஸ்டார்' ரஜினிகாந்த் கைவசம் கார்த்திக் சுப்புராஜின் ‘பேட்ட' மற்றும் இயக்குநர் ஏ.ஆர்.முருகதாஸ் படம் என 2 படங்கள் உள்ளது. இதில் ‘பேட்ட' படத்தை ‘சன் பிக்சர்ஸ்' நிறுவனம் தயாரித்துள்ளது. ‘ராக்ஸ்டார்' அனிருத் இசையமைத்துள்ள இதற்கு திருநாவுக்கரசு ஒளிப்பதிவு செய்துள்ளார்.

ரஜினியின் 165-வது படமான இதில் ‘மக்கள் செல்வன்' விஜய் சேதுபதி வில்லனாக நடித்துள்ளார். மேலும், சிம்ரன், த்ரிஷா, நவாசுதீன் சித்திக், பாபி சிம்ஹா, சனந்த் ரெட்டி, மேகா ஆகாஷ், மாளவிகா மோகனன், குரு சோமசுந்தரம், ஷபீர், இயக்குநர்கள் சசிகுமார் - மகேந்திரன் ஆகியோர் முக்கிய வேடங்களில் நடித்துள்ளனர்.

சமீபத்தில், வெளியிடப்பட்ட டீசர் மற்றும் பாடல்கள் ரசிகர்களிடம் நல்ல வரவேற்பை பெற்றது. படத்தை பார்த்த சென்சார் குழு ‘யு/ஏ' சான்றிதழ் அளித்துள்ளது. படத்தை வருகிற பொங்கலுக்கு ரிலீஸ் செய்யத் திட்டமிட்டுள்ளனர். இந்நிலையில், சென்சார் குழுவினரால் இந்த படத்திலிருந்து நீக்கப்பட்ட காட்சிகள், வசனங்கள் மியூட் செய்யப்பட்ட காட்சிகள் மற்றும் மாற்றம் செய்யப்பட்ட காட்சிகளின் பட்டியல் வெளியிடப்பட்டுள்ளது