சத்திரம் பேருந்து நிலையக் கடைகள் ஜனவரி 20 ல் ஏலம்

www.livetrichy.com

திருச்சிராப்பள்ளி மாநகராட்சிக்குட்பட்ட சத்திரம் பேருந்து நிலையத்தில் புதிதாக கட்டப்பட்ட கடைகள் மற்றும் பிற குத்தகை உரிம இனங்களுக்கு ஏலம்/ஒப்பந்தப்புள்ளி அறிவிப்பை திருச்சிராப்பள்ளி மாநகராட்சி ஆணையர் முஜிபுர் ரகுமான் வெளியிட்டுள்ளார். 

அவரது அறிவிப்பில் உள்ளதாவது: சத்திரம் பேருந்து நிலையத்தில் நூறு சதுர அடியில் உள்ள 1 முதல் 54 வரை கடைகள், முதல் தளத்தில் உள்ள உணவகம், ஆண் மற்றும் பெண் கழிவறை கட்டண வசூல் செய்யும் உரிமம், வாகன நிறுத்துமிடம், மத்திய பேருந்து நிலையத்தில் கடை எண் 7 மற்றும் 5 ஆகிய இனங்களுக்கு திருச்சிராப்பள்ளி மாநகராட்சி மைய அலுவலகத்தில் 20.01.2022 காலை 11.45 மணிக்கு பொது ஏலம் நடைபெறும். பொது ஏலத்தில் கலந்து கொள்ள விண்ணப்பம் செய்ய விரும்புவோர் மேலும் விபரங்களை மைய அலுவலகம் அல்லது ஸ்ரீரங்கம் கோட்ட அலுவலகத்தில் விண்ணப்பத்துக்கான ரூ. 590 செலுத்தி பெற்றுக் கொள்ளலாம். இவ்வாறு அறிக்கையில் தெரிவிக்கப்பட்டுள்ளது. 

www.livetrichy.com